NG Kerk Mosselbaai Dutch Reformed Church Mossel Bay

JANNIE MOOLMAN : NG MOEDERGEMEENTE, MOSSELBAAI

SONDAG, 12 FEBRUARIE OM 18:00

JannieMoolman Die baie bekende Jannie Moolman en sy Pianis kom tree op Sondagaand, 12 Februarie om 18:00 in ons kerkgebou op. Met die LIEFDE as tema sal hierdie aand mos onvergeetlik wees. Jannie is bekend in Suid Afrika vir sy besonderse stem. Hy het ook al verskeie toekennings ontvang waaronder die FNB Vita Life toekenning, asook die Staatsteater toekenning. Jannie het ook al verskeie internasionale toekennings ontvang waaronder die Belvedere Internasionale Sang- kompetisie in Wenen. Kom geniet ‘n puik kunstenaar saam met ons en dra sommer op hierdie manier by tot ons gemeente se finansies.

Ons gaan ‘n Kollekte opneem teen ‘n minimum bedrag van R50-R100. Skakel gerus ons Kerkkantoor by 044-691 2465 vir verdere inligting.

BARNABAS REEKS: EERSTE KWARTAAL 2012

Dis ‘n reeks waarmee die Gees ons op ‘n reis deur Handelinge neem – die handelinge van gelowiges, maar veral van die Opgestane Jesus en Sy Gees wat lewens verander. Barnabas is een weggesteekte juweel tussen al die verhale waarmee ons gaan kyk na hoe gelowiges op ‘n nuwe manier leer leef onder die vervulling van die Gees! Afgesien van die preke, kan jy gerus aansluit by ‘n kleingroep... skakel Franci 082 688 0298

Jakkalsvlei druiwepluk (3 Mrt)

Julle onthou mos daai lekker druiwe en kuier by Jakkalsvlei...met ‘n bordjie kaas en wyn om dit af te rond. Sit solank daai Saterdag opsy!

Pa & kind naweek (2-4 Mrt)

Henri beplan weer interressante dinge vir die pa’s en kinders vir dié naweek.

Santos – familiekuier (18 Mrt)

Ons beplan om die kwartaal af te sluit met eredienste by die kerk, maar ‘n lekker kuier op Santosstrand.

Fietstoer 11-22 Apr

Ja, en Henri-hulle beplan weer ‘n 10 dae fietstoer om fondse in te samel vir die gemeente se sendingprojekte. Later meer daaroor!

Daar is nog ander dinge soos die Dias fees (3-5 Feb) en ‘n staptoer wat ook nog deel van die kwartaal se prentjie voltooi. Maak die belde vas...die liewe Heer gaan ons na interressante bestemmings neem.

X-WEEK : 5 TOT 8 FEBRUARIE

Hierdie heerlike avontuur is op ons hakke!!

Xweek Homes Gomes en Lagnes kom gesels elke aand om 18:00 met ons oor “teit”!

Sien jou oorkant die kerk in Tekkietown parkade onder die apteek.

kerkfoto_huidig Welkom by die NG Moedergemeente op Mosselbaai.
Ons gemeente is in die middel van die dinamiese en diverse kusdorp, Mosselbaai, geleë. Ons is oortuig van die volgende: God stuur ons om, met ‘n Christusgesindheid, familie en vriend vir almal te wees.

Ons skep daarom ruimte vir verskillende spiritualiteite, generasies en style – veral in ons drie eredienste waar almal welkom is en God die kern van ons aanbidding is.

NG Kerk Mosselbaai Dutch Reformed Church Mossel Bay

More Articles...